Termos Saisuak atau Tabuang Kawa

  • Bagikan
banner 468x60

Oleh: Irwan Malin Basa

Dari saisuak urang awak lah tau juo caro manyimpan ayia supayo lamo angeknyo. Caronyo disimpan di dalam batuang atau buluah nan dibuek bantuak termos kini. Namonyo ‘tabuang kawa.

banner 336x280

‘Tabuang kawa’ dibuek dari batuang nan agak tuo. Panjang nyo kito kiro tigo puluah sampai ampek puluah senti. Atau kiro kiro duo jangka urang gadang. Batuang tu dikubak sampai barasiah dan dibuang sambilu nyo sadonyo. Sudah tu dikarek bagian atehnyo untuk mamasuak an ayia. Pangka nyo nan sanalah lai untuak bagian bawah.

‘Tabuang kawa’ kawa tu diagiah tangkai dari rotan. Ujuang rotan tu dililik Jo rotan nan mipih dan dilsapiah atau dijalin rancak rancak. Jalinan rotan tu disabuik “basimpai”. Untuk panutuik diatehnyo diagiah gulungan ijuak nan diambiak dari batang anau. Saok dari ijuak tu namonyo ‘umbeh’. Guno umbeh tu sekalian untuak panyariang daun kawa nan ado dalam tabuang tu.

Sasudah kawa daun masak, katiko angek tu dimasuak an kadalam ‘tabuang kawa’ tu. Lamo tahan angeknyo dalam tabuang kawa tu. Katiko kaminum dituangkan sajo langsuang kadalam tekong atau sayak nan dibuek dari tampuruang karambia.

Nan kalua dari ‘tabuang kawa’ tu hanyo ayia sajo. Daunnyo tetap tingga di dalam tabuang kawa karano disariang pakai ijuak. Jadi, kok indak basunguik bana urang nan minum, lai indak talulua deknyo daun kopi do.

Supayo raso kawa tu labiah lamak biasonyo dicampua saketek Jo kulik manih dan ditambah Jo gulo anau. Kalau pun lah dingin bana masih kadam juo rasonyo untuak diminum.

banner 336x280
Baca Juga :  Seniman Tanah Datar Ikuti Workshop GSMS dari Kemendikbudristek RI
banner 120x600
  • Bagikan