Tamu Lah Mulai Rami Bakunjuang Ka Pariangan Liak

  • Bagikan
banner 468x60

Tanah Data, Jurnalminang.Com. News&Web TV – Sasudah dibukak baliak palarangan
kunjungan ka tampek-tampek wisata sasudah rayo kapatangko, babagai tampek wisata lah mulai
banyak didatangi dek tamu-tamu dari babagai daerah. Baitu pulo di daerah wisata Nagari Tuo
Pariangan nan lah tasabuik sebagai salah satu desa nan paliang rancak di dunia. Pado hari Akaik,
tanggal 23 Mai 2021 ratusan tamu atau pangunjuang datang ka Pariangan. Inyo datang dari
babagai daerah dan kabanyakan mamakai oto pribadi dan adopulo nan pakai Honda sajo.

Tampaik nan banyak dikunjungi adolah joroang Guguak nan rancak pamandangannyo. Di
Guguak tu ado urang manjua kawa daun jo gorengan bagai. Sambia maminum kawa daun tu
dicaliak juo sawah-sawah tabantang nan rancak susunannyo, dipandang juo bukik-bukik baderet
sajuah mato mamandang. Suasana taraso batambah tanang dan sabana lamak karano udaro
cukuik dingin di joroang Guguak jo Pariangan.

banner 336x280

Salain itu banyak pulo tamu nan datang bakunjuang ka musajik tuo Pariangan. Di sakaliliang
musajik banyak surau-surau tuo. Di dakek halaman musajik tu banyak pulo aia angek nan bisa
dipakai untuk mandi ataupun untuk bauduak kalau ka sumbayang di musajik Ishlah Pariangan.
Ado pulo babarapo paninggalan sajarah takah batu lantak tigo atau batu tungku tigo sajarangan.
Pangunjuang bisa juo mancaliak kuburan panjang nan talatak di simpang ka musajik. Baitu pulo
wisata budaya di Pariangan nan banyak rumah adaiknyo, barang barang pusako dan lain
sabagainyo.

Manuruik pancaliak an media iko di Pariangan jo Guguak, pangunjuang sangaik sanang bisa
manikmati liburan keluarga apolagi salamoko tahambek untuak pai kama kama. Katiko rayo
datang urang banyak badiam diri di rumah sajo. Aturan pamarintah cukuik banyak kini karano
nagari kito ko kanai panyakik nan disabuik Covid. Jadi untuak mangurangi bakambangnyo
panyakik ko, pamarintah malarang urang untuak bakumpua kumpua dalam jumlah nan banyak
atau barami rami.

Baca Juga :  Tampek Raun Danau Diateh Paralu Rancak an Layanan Stek

Dari kaba barito nan didanga dari kawan-kawan lain, rumah gadang Pagaruyuang lah mulai pulo
rami dikunjuangi baliak. Kok harapan pamarintah iyo baitu andaknyo. Kalau lah rami tamu
datang tantu pitih baputa pulo di sekitar daerah wisata tu. (Tukang Tulih: IMB/Red.Jm).

banner 336x280
banner 120x600
  • Bagikan