Tampek Raun Danau Diateh Paralu Rancak an Layanan Stek

  • Bagikan
banner 468x60

Solok, Jurnal Minang.Com. News&Web TV. Tampek wisata di Danau Diateh kab. Solok nan lah mulai maju paralu manambah fasilitas Jo layanan tampeknyo. Kaba Iko disampaikan dek anggota keluarga nan lalok di Villa tu, Sabtu, 5 Juni 2021.

Sekeluarga nan lalok disinan tu maraso kurang pueh Jo alat alat perlengkapan nan ado di villa tu. Sungguah pun baitu Tapi ado pulo nilai tambahnyo nan paralu dipuji.

banner 336x280

“di villa tu ndak ado camin untuk bakaco, indak ado tampek sarok, indak ado tipi, meja agak ciek indak pulo ado” kicek pak Malin nan mancubo lalok disinan.

Kok andaknyo kelengkapan tu paralu dicukuik an sabab itu kebutuhan tamu atau urang nan lalok disinan. “Lain dari itu, ampang ampang kamasuak ka lokasi ka villa tu indak ado nan mambukak tutuik. Tapaso lah tamu nan harus turun mambukak pasak ampang ampang tu satiok kalua masuak” kicek pak Malin.

Tapi nan marancak an, minum pagi lai diagiah. Aia angek untuak mandi lai disaduokan pulo di daerah dingin tu. Kok indak ado aia angek tantu dari ndak talok mandi pagi Jo aia dingin nan baradiak kakak Jo es dinginnyo.

“kok lokasi iyo sabana rancak. Saraso di lua nagari pulo kito deknyo” kato pak Malin. Diambiak kodak di sakaliliang villa tu, bantuak di Swiss nampaknyo” puji pak Malin.

Untuak kamukonyo, tantu paralu pelok i nan kurang kurang tu. Kok wisatawan lah banyak ingkin tantu pitih masuak ka pamarentah Jo masarakaik batambah pulo. (IMB.Red.Jm).

banner 336x280
Baca Juga :  Tamu Lah Mulai Rami Bakunjuang Ka Pariangan Liak
banner 120x600
  • Bagikan