Saluang Paliang “Gaek” di Minangkabau Ado di Pariangan

  • Bagikan
banner 468x60

Tanah Datar, Jurnal Minang. Com. News&Web TV. Kok bacarito saluang tantu ampia satiok nagari Ado manaruahnyo. Tapi nan ma saluang nan paliang tuo tantu paralu dicari sajarahnyo. Untuak mancari itu, tim National Culture Documentary datang manyilau ka nagari tuo Pariangan, Rabaa, 23/06/2021.

Dek lai rancak hubuangan Jo kaluarga pawarih nan manyimpan saluang tu, lai namuah pak gaek tu mancaliak an ka anggota tim. “Saluang iko lah laniah 60 th umuanyo” kicek Mak Rajunan Sutan Saidi.

banner 336x280

Sasuai jo panuturan Mak Rajunan, saluang tu adolah warisan dari urang tuo nyo Dali Sutan Marajo nan lah maningga pado umua 88 th. Dali Sutan Marajo sangaik tasabuik santiangnyo mahambuih sakuang.

Saluang tu panjangnyo 40 senti atau kiro kiro duo satangah jangka urang gadang. Lubangyo tatap ampek. Tapi ukuran saluang tu agak ketek daripada saluang biaso. Bunyi nyo sangaik malangkiang. Jauah tadanga juo.

“saluang iko adolah legenda dan harus disimpan elok elok. Banyak sejarah nan lah dibuek dek saluangko. Batua batua jadi legenda lamo” kicek Mak Rajunan.

Kini lai masih ado juo nan kamanaruihan tradisi saluang Jo lagu lagu lagu khas Pariangan. Lagu Pariangan tasabuik Jo lagu lagu ratok. Ado namonyo ratok Pariangan, ratok saripudi, ratok sara, ratok bayang.

Untuanglah lai ado nan manaruihan. Kok indak ado, ka habih tandeh tradisi kito deknyo. (IMB).

banner 336x280
Baca Juga :  Mengenal Tradisi "Kadaghek"
banner 120x600
  • Bagikan