Mumbang Jatuah, Kalapo Jatuah

  • Bagikan
banner 468x60

Tukang Tulih: Irwan Malin Basa

Urang tuo tuo kito sajak daulu lah pandai dan arih bijaksano mambuek kato kato kiasan, pantun, gurindam, mamangan dan lain sabagainyo. Kato kato tu biasonyo diambiak dari tumbuah tumbuahan, namo binatang, anggota tubuah, dan alam nan takambang leba. Sasuai juo jo filosofi “alam takambang jadi guru “

banner 336x280

Pado kesempatan kini ko ado ciek nan paralu kito kaji sahinggo kito tahu arati jo mukasuiknyo. Kato tu adolah: Mumbang Jatuah, Kalapo Jatuah. Apo arti jo mukasuiknyo tu? Mungkin banyak nan indak tahu lai apolai anak anak nan mudo matah kini.

Kini kito mulai dari arati katonyo. Mumbang artinyo karambia nan lah agak tuo tapi biasonyo masiak kuliknyo. Warnanyo lah coklat. Ado nan gadang dan adopulo nan ketek. Kalau Kalapo itu karambia nan masih mudo dan masih rancak kuliknyo. Warnanyo biasonyo hijau dan adopulo nan agak manguniang. Pokoknya karambia masih segar. Rancak bantuaknyo.

Jadi, kalau ado ungkapan Mumbang Jatuah Kalapo Jatuah, itu artinyo untuak mangatokan siapopun akan mati atau meninggal dunia. Baiak nan mudo maupun nan tuo. Gadang ketek, tuo mudo sadonyo kamati. Indak tahu kito sia nan kadulu mati.

Mungkin sajak wabah kopik ko manjadi, ampia satiok hari kito mandanga kaba urang mati. Laki laki ataupun padusi, mati. Indak pandang bulu. Kadang kawan kito sendiri, indak ado nampak sakiknyo, tu lah tadanga sajo kaba inyo mati. Kok lah tibo masonyo, indak bisa ditulak atau diundur agak sadatiak gai. Siap atau tak siap, tapaso ditarimo. Itulah mati!

Kok di dalam bahaso Inggirih adopulo Kito baco baco istilah tu. Tapi penekananyo labiah kapado “wakatu atau saat’ kematian nan indak bisa ditakok. Istilah Inggirihnyo: Death Keep No Calendar. Mungkin makna nyo ampia samo jo ungkapan Minang tadi. (*).

banner 336x280
banner 120x600
  • Bagikan